Bujug buset ni pagi bute mate udeh melek, biasanye bangun udeh tengari bolong, kate emak kite sih kalo bangun udeh tengari bolong ntu rejeki udeh abis di patokin ame ayam. sambil mindik – mindik jalan setunclo – setunclo ane ambil tuh sepeda butut ane. Mata langak – longok kaya maling kesiangan ane takut enyaknya bocah nontot bisa berabe ape lagi kalo ntu bocah udah melek bisa – bisa buntut ane dipegangin terus. buke pintu pelan – pelan ampe ntu pintu kagak bebunyi trus ane konci langsung dah brosooooot tuh sepeda ane genjot…ni ati lega bener walau urat pade kenceng nyang penting bisa ngonthel pagi – pagi tanpa harus ade nyang ngintilin he…..he….he…..